5 сакавіка, Мінск /Кар. БЕЛТА/. Прэм'ер-міністр Ізраіля Біньямін Нетаньяху заявіў, што краіна атрымала перамагу над каранавірусам. Аб гэтым паведамляе газета The Times of Israel.
Паводле слоў прэм'ер-міністра, пакончыць з пандэміяй удалося дзякуючы хуткай і эфектыўнай кампаніі вакцынацыі ў краіне. Адзначаецца, што грамадзянам нейкі час яшчэ давядзецца насіць маскі.
"Ізраіль стаў першай краінай у свеце, якая пакончыла з каранавірусам. Маючы пры сабе зялёны пашпарт, грамадзяне змогуць хадзіць у рэстараны, у тэатры, на спартыўныя мерапрыемствы", - адзначыў Біньямін Нетаньяху, расказваючы пра новую сістэму Green Pass, якая дасць магчымасць вакцынаваным грамадзянам наведваць любыя мерапрыемствы.
Прэм'ер-міністр адзначыў, што ўлады спадзяюцца вакцынаваць усё дарослае насельніцтва Ізраіля да канца сакавіка і цалкам адкрыць краіну да красавіка.
"Раней Ізраіль быў вядомы як краіна стартапаў, з сённяшняга дня мы смела можам называць сябе нацыяй вакцынацыі. Мы даём прыклад для ўсяго свету і вельмі гэтым ганарымся", - сказаў Біньямін Нетаньяху.-0-