Сцяг Субота, 13 ліпеня 2024
Усе навіны
Усе навіны
У свеце
17 чэрвеня 2024, 12:52

Нетаньяху аб'явіў аб роспуску надзвычайнага ваеннага кабміна пасля адстаўкі Ганца

Біньямін Нетаньяху. Фота israelhayom.com
Біньямін Нетаньяху. Фота israelhayom.com
17 чэрвеня, Мінск /Кар. БЕЛТА/. Прэм'ер-міністр Ізраіля Біньямін Нетаньяху аб'явіў аб роспуску надзвычайнага ваеннага кабінета міністраў Ізраіля пасля адстаўкі з урада 9 чэрвеня міністра Бені Ганца, паведамляе ТАСС са спасылкай на партал Ynet.

Паводле даных выдання Israel Hayom, прэм'ер-міністр Ізраіля Біньямін Нетаньяху на пасяджэнні вузкага кабміна па пытаннях бяспекі 16 чэрвеня заявіў, што стварэнне надзвычайнага ваеннага кабміна "было часткай кааліцыйнага пагаднення з Ганцам па яго (Ганца. - Заўвага БЕЛТА) просьбе". "Пасля сыходу Ганца такога форуму больш не будзе", - дадаў ён.

Нетаньяху зрабіў гэту заяву ў адказ на просьбу міністра нацбяспекі Ізраіля Ітамара Бен-Гвіра ўключыць яго ў надзвычайны ваенны кабмін пасля адстаўкі Ганца.

Раней Нетаньяху раскрытыкаваў аб'яўленыя ваеннымі планы па прыпыненні баявых дзеянняў уздоўж адной з галоўных дарог у сектар Газа, каб аблягчыць дастаўку гуманітарнай дапамогі. Палітык адзначаў, што "баі ў Рафаху прадаўжаюцца згодна з планам". Пазней ізраільскія тэлеканалы працытавалі Нетаньяху, які крытыкаваў ваенных: "У нас ёсць краіна з арміяй, а не армія з краінай". Армія ў адказ на крытыку настойвае на тым, што "спынення баявых дзеянняў" на поўдні Газы няма. Ваенныя ўказалі, што новы маршрут будзе адкрыты ў дзённы час "выключна для перавозкі гуманітарнай дапамогі". Гэта спрэчка адбылася праз тыдзень пасля таго, як былы генерал-цэнтрыст Бені Ганц пакінуў урад Ізраіля, заявіўшы, што ў Нетаньяху няма эфектыўнай стратэгіі ў сектары Газа.-0-
Падпісвайцеся на нас у
Twitter
Топ-навіны
Свежыя навіны Беларусі