Фота з архіва
10 студзеня, Мінск /Кар. БЕЛТА/. Еўрапейскі саюз і Паўночнаатлантычны альянс падпісалі новую, трэцюю сумесную дэкларацыю аб супрацоўніцтве. Цырымонія падпісання прайшла ў штаб-кватэры альянсу ў Бруселі, паведамляе ТАСС.
Подпісы пад дакументам паставілі генеральны сакратар НАТА Енс Столтэнберг, а таксама кіраўнікі Еўрасавета Шарль Мішэль і Еўракамісіі Урсула фон дэр Ляен. Пасля цырымоніі запланавана сумесная прэс-канферэнцыя прадстаўнікоў НАТА і ЕС. Сама дэкларацыя пакуль не была апублікавана.
Раней Agence France-Presse паведаміла са спасылкай на дакумент, што ЕС і НАТА маюць намер актывізаваць супрацоўніцтва ў галіне абароны на фоне ўкраінскага канфлікту.-0-
