17 мая, Мінск /Кар. БЕЛТА/. "Уралвагонзавод" адправіў эшалон з партыяй найноўшых танкаў Т-90М "Прарыў" у расійскія войскі, паведамляюць РІА Навіны са спасылкай на прэс-службу прадпрыемства.
Найноўшыя танкі Т-90М "Прарыў" распрацаваны Уральскім канструктарскім бюро транспартнага машынабудавання. Адзначаецца, што гэта самая мадэрнізаваная тэхніка ў сям'і Т-90, якая найбольш прыстасавана да дзеянняў, што вядуцца ва ўмовах сучаснага бою. Адной з галоўных асаблівасцей такіх танкаў з'яўляецца тое, што яны ў рэжыме рэальнага часу могуць абменьвацца данымі з іншымі машынамі.
Перад адпраўкай эшалона ў час урачыстай цырымоніі танкі асвяціў настаяцель храма Дзімітрыя Данскога протаіерэй Іаан Брагін. Акрамя таго, у тэхніку паклалі праваслаўныя абразы, а таксама малюнкі і пісьмы дзяцей танкабудаўнікоў. Гэта стала своеасаблівым сімвалам падтрымкі воінам і веры ў іх мужнасць.-0-
