ДЗЯРЖОРГАНЫДЗЯРЖОРГАНЫ
Флаг Панядзелак, 17 студзеня 2022
Мінск -2°C
Усе навіны
Усе навіны
У свеце
02 лістапада 2021, 14:16

На захадзе Канады больш за 3,3 тыс. медыкаў адхілены ад работы з-за адмовы прышчапіцца

Фота з архіва
Фота з архіва

2 лістапада, Мінск /Кар. БЕЛТА/. Больш за 3,3 тыс. медыцынскіх работнікаў заходняй канадскай правінцыі Брытанская Калумбія адхілены ад работы з-за адмовы зрабіць прышчэпку ад COVID-19, паведамляе ТАСС са спасылкай на кіраўніка Міністэрства аховы здароўя рэгіёна Эдрыяна Дыкса.

Паводле яго слоў, 96 працэнтаў са 127,5 тыс. медработнікаў правінцыі прайшлі поўны курс вакцынацыі ад каранавіруса, яшчэ звыш 2 тыс. пакуль зрабілі толькі адну ін'екцыю. Астатнія 3325 чалавек або адмовіліся прадаставіць даныя аб вакцынацыі, або не зрабілі прышчэпку, у выніку чаго былі адхілены ад работы без захавання заработнай платы.

Пасля гэтага, канстатаваў Дыкс, бальніцы рэгіёна сутыкнуліся з няхваткай медперсаналу, у сувязі з чым былі прыпынены многія хірургічныя аперацыі. Раней улады Брытанскай Калумбіі вылучылі ўльтыматум медыкам прайсці поўны курс вакцынацыі ад COVID-19 да канца кастрычніка.

Аналагічны ўльтыматум медработнікам вылучылі і ўлады ўсходняй правінцыі Квебек, тэрмін якога скончыўся 15 кастрычніка, але пазней быў перанесены на 15 лістапада. У той жа час прафсаюз медыкаў падаў іск у Вярхоўны суд правінцыі, які, як чакаецца, павінен вынесці рашэнне 15 лістапада. Медработнікі настойваюць, што такое рашэнне ўлад з'яўляецца незаконным. 13 кастрычніка кіраўнік Міністэрства аховы здароўя Квебека Крысціян Дзюбэ паведаміў, што 96 працэнтаў усіх супрацоўнікаў медустаноў рэгіёна прайшлі поўны курс вакцынацыі, а 21,9 тыс. чалавек або яго не завяршылі, або яшчэ не ўвялі першую дозу прышчэпкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі