ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць +1°C
Усе навіны
Усе навіны
У свеце
13 мая 2019, 16:34

На поўначы Італіі з-за непагоды аб'яўлены максімальны ўзровень небяспекі

Фота   Leggo
Фота Leggo

13 мая, Мінск /Кар. БЕЛТА/. У рэгіёне Эмілія-Раманья на поўначы Італіі з-за непагоды на два дні аб'яўлены чырвоны ўзровень небяспекі, паведамляе італьянскае інфармагенцтва ANSA.

Пагроза паводак на тэрыторыі вобласці выклікана разлівам рэк. Акрамя таго, на ўзбярэжжы ўведзены жоўты ўзровень небяспекі з-за моцнага ветру.

Паводле даных мясцовага выдання Corriere di Bologna, моцныя дажджы выклікалі разліў ракі Савія, у выніку чаго затоплены чыгуначны мост па дарозе з Балонні ў Рыміні. З раніцы на гэтым участку часова спынены рух паяздоў. Паведамляецца, што ў асобных раёнах закрыты школы і дзіцячыя сады.

Паводле прагнозаў сіноптыкаў, у бліжэйшыя дні ў рэгіёне прадоўжацца дажджы, а тэмпература паветра будзе ніжэйшай за сярэднія паказчыкі, характэрныя для гэтага часу года. У раёне Адрыятычнага ўзбярэжжа слупок тэрмометра будзе трымацца на ўзроўні 13-14 градусаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі