17 верасня, Гуанчжоу /БЕЛТА - Сіньхуа/. У выніку супертайфуну "Мангхут", што абрушыўся вечарам 16 верасня на ўзбярэжжа правінцыі Гуандун (паўднёвы Кітай), загінулі 4 чалавекі. Аб гэтым паведамляюць мясцовыя ўлады.
Паводле інфармацыі метэаралагічнай службы правінцыі, супертайфун "Мангхут" выйшаў на сушу ў раёне горада Цзянмэнь у паўднёвакітайскай правінцыі Гуандун вечарам 16 верасня. Скорасць ветру дасягала 162 км/гадз.
Падзенне дрэў паслужыла прычынай смерці трох чалавек у горадзе Гуанчжоу. Яшчэ адзін чалавек загінуў з-за абрушэння будаўнічай канструкцыі ў горадзе Дунгуань.
Па стане на 23.00 па мясцовым часе 16 верасня ў правінцыі больш як 3,11 млн чалавек былі эвакуіраваны, 49 тыс. рыбалавецкіх суднаў вярнуліся ў парты.
Тайфун "Мангхут" стаў для рэгіёна 22-м па ліку ў гэтым сезоне.-0-