Сцяг Чацвер, 28 сакавіка 2024
Усе навіны
Усе навіны
У свеце
26 красавіка 2019, 14:31

На Мазамбік абрушыўся мацнейшы шторм у гісторыі краіны

26 красавіка, Мінск /Кар. БЕЛТА/. Трапічны цыклон "Кенет" абрушыўся на поўнач Мазамбіка, тысячы чалавек эвакуіраваны, паведамляе CNN.

"Кенет" - самы моцны з вядомых цыклонаў, якія былі ў Мазамбіку. Скорасць ветру дасягае 220 км/гадз, што адпавядае ўрагану чацвёртай катэгорыі з пяці магчымых. Такім чынам, "Кенет" перасягнуў па сіле разбуральны цыклон "Леон-Элін", які абрушыўся на Мазамбік у 2000 годзе. Тады скорасць ветру складала 210 км/гадз, ахвярамі ўрагану сталі амаль 800 чалавек.

Паводле даных сіноптыкаў, цыклон прадаўжае ўзмацняцца. На працягу наступных чатырох дзён прагназуецца выпадзенне больш як 50 см ападкаў - прыкладна ў чатыры разы больш за сярэднямесячную норму. Гэта непазбежна прывядзе да новых маштабных паводак у рэгіёне.

Цыклон у бліжэйшы час закране і суседнюю з Мазамбікам Танзанію. Чакаецца, што "Кенет" нанясе ўдар па ўзбярэжных раёнах буйнейшага горада краіны Дар-эс-Салама, партовым горадзе Танга і востраве Пемба.

Цыклон "Кенет" абрушыўся на рэгіён праз паўтара месяца пасля трапічнага цыклону "Ідай", ахвярамі якога сталі больш за 700 чалавек.-0-

Падпісвайцеся на нас у
Twitter
Топ-навіны
Свежыя навіны Беларусі