25 студзеня, Мінск /Кар. БЕЛТА/. У Еўропе не будуць дасягнуты стабільнасць і трывалы мір без Расіі. Аб гэтым заявіла кіраўнік знешнепалітычнага ведамства Славеніі Таня Фаён, паведамляе ТАСС.
Паводле яе слоў, пасля завяршэння канфлікту ва Украіне і дасягнення міру будзе аднаўленне дыялогу з Расійскай Федэрацыяй. Гэты дыялог дасць магчымасць не дапусціць на еўрапейскім кантыненце пачатку халоднай вайны.
"Мы разумеем, што без РФ не будзе трывалага міру і стабільнасці на нашым кантыненце, таму яе неабходна будзе ўключыць у дыскусіі аб новай архітэктуры бяспекі ў Еўропе", - заявіла Фаён.-0-
