ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +7°C
Усе навіны
Усе навіны
У свеце
03 жніўня 2022, 15:10

МЗС РФ: эпоха канструктыўнага супрацоўніцтва Расіі з Захадам беспаваротна завершана

Фота ТАСС
Фота ТАСС

3 жніўня, Мінск /Кар. БЕЛТА/. Эпоха канструктыўнага ўзаемадзеяння Расіі з краінамі Захаду беспаваротна завершана незалежна ад зыходу спецаперацыі ва Украіне. Такім меркаваннем падзяліўся дырэктар дэпартамента знешнепалітычнага планавання МЗС РФ Аляксей Драбінін у матэрыяле для выдання "Международная жизнь", паведамляе ТАСС.

Паводле слоў Драбініна, зыход спецаперацыі РФ ва Украіне не акажа істотнага ўплыву на супрацоўніцтва Расіі з заходнімі краінамі, паколькі ўжо цяпер можна гаварыць аб тым, што трыццацігадовая эпоха адносна канструктыўнага супрацоўніцтва незваротна завершана.

"Зразумела, што вяртання да сітуацыі да 24 лютага ў адносінах з краінамі Паўночнай Амерыкі і Еўропы не будзе", - адзначыў дыпламат.

Пры гэтым Драбінін дадаў, што РФ зацікаўлена ва ўзаемадзеянні з усімі суседзямі, у тым ліку ў Еўра-Атлантыцы, аднак не цаной аднабаковых уступак, асабліва тым, хто аб'яўляе Расію галоўнай пагрозай. У такіх рэаліях супрацоўніцтва з недружалюбнымі краінамі можа быць толькі на разавай, транзакцыйнай аснове. "Яно можа ажыццяўляцца толькі там, дзе гэта выгадна Расіі і дзе не існуе прымальнай альтэрнатывы", - падкрэсліў дыпламат.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі