20 студзеня, Мінск /Кар. БЕЛТА/. Пекін прыкладае намаганні для абароны прынцыпаў шматбаковага супрацоўніцтва і выступае супраць палітыкі асобных краін, якія імкнуцца да дамінавання і сілавога націску. Аб гэтым заявіў кіраўнік кітайскага знешнепалітычнага ведамства Цынь Ган, паведамляе ТАСС.
Паводле слоў дыпламата, некаторыя дзяржавы "разгарнулі на поўную моц палітыку гегемоніі, тыраніі і ўціску". Кітай выступае супраць такой палітыкі, адзначыў Цынь Ган.
Ён таксама заявіў, што кітайскія ўлады гатовы абараняць прынцыпы шматбаковага ўзаемадзеяння краін і адстойваць міжнародны парадак.-0-
