11 кастрычніка, Мінск /Кар. БЕЛТА/. Кіраўнік МЗС Францыі Катрын Калона заявіла аб важнасці захавання дыялогу з Расіяй і выступіла супраць спроб ізаляваць Расійскую Федэрацыю на міжнародным узроўні, паведамляе ТАСС.
"Ізаляцыя была б горшай палітыкай", - растлумачыла кіраўнік французскага знешнепалітычнага ведамства ў эфіры радыёстанцыі France Inter.
Пры гэтым яна ўпэўнена, што менавіта дыялог дапамагае дабівацца пэўных вынікаў. Так, палітык адзначыла, што падтрыманне кантактаў з РФ дало магчымасць накіраваць на Запарожскую АЭС місію МАГАТЭ.
"Настане час, калі канфлікт скончыцца. Магчыма, ён будзе доўгім. Але Расія заўсёды будзе нашым суседам", - падкрэсліла Катрын Калона.
Акрамя таго, міністр акцэнтавала ўвагу на тым, што заходнім краінам трэба праяўляць асцярожнасць і стрыманасць у сваіх заявах наконт ядзернай зброі. Такім чынам Катрын Калона пракаменціравала словы амерыканскага лідара Джо Байдэна адносна магчымага ядзернага апакаліпсіса. Яна ўдакладніла, што Францыя лічыць ядзерную зброю сродкам стрымлівання, прымяненне якой мела б сур'ёзныя наступствы.-0-
