Сцяг Аўторак, 19 сакавіка 2024
Усе навіны
Усе навіны
У свеце
19 верасня 2019, 17:50

Моцны ўзрыў прагрымеў каля бальніцы на поўдні Афганістана

19 верасня, Мінск /Кар. БЕЛТА/. У афганскім горадзе Калат (правінцыя Забуль) побач з урадавай бальніцай узарваўся грузавік. Як мінімум 20 чалавек загінулі і больш за 90 паранены, паведамляе Associated Press са спасылкай на даныя мясцовых улад.

Інцыдэнт адбыўся каля 6.00 па мясцовым часе. Пры ўзрыве атрымалі цяжкія раненні некалькі жанчын, дзяцей, медыцынскіх работнікаў і пацыентаў бальніцы. Пацярпелыя шпіталізаваны ў розныя шпіталі правінцыі Кандагар, паведамляе афганскі тэлеканал TOLO News.

У выніку тэракта былі моцна пашкоджаны суседнія адміністрацыйныя будынкі і жылыя дамы.

Адказнасць за тэракт узяў на сябе радыкальны рух "Талібан". Талібы заявілі, што іх мэтай быў офіс Нацыянальнага ўпраўлення бяспекі (NDS). Будынак NDS размешчаны побач з бальніцай, каля якой прагрымеў узрыў. Паводле слоў чыноўнікаў, супрацоўнікі NDS не пацярпелі.-0-

Падпісвайцеся на нас у
Twitter
Топ-навіны
Свежыя навіны Беларусі