ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск +26°C
Усе навіны
Усе навіны
У свеце
20 красавіка 2022, 10:33

Мядзведзеў: замежныя наёмнікі ва Украіне адкажуць па поўнай за свае дзеянні

Фота ТАСС
Фота ТАСС

20 красавіка, Мінск /Кар. БЕЛТА/. Замежныя наёмнікі ва Украіне не падпадаюць пад Жэнеўскія канвенцыі і адкажуць за свае дзеянні па поўнай. Аб гэтым заявіў намеснік кіраўніка Савета бяспекі Расіі Дзмітрый Мядзведзеў, паведамляе ТАСС.

Паводле яго слоў, наёмнікі, якія прыбылі ва Украіну для ўдзелу ў баявых дзеяннях, не з'яўляюцца законнымі камбатантамі. Гэта азначае, што яны не ўваходзяць у склад узброеных сіл, а значыць, не маюць асаблівага юрыдычнага статусу.

Таму, адзначыў Дзмітрый Мядзведзеў, калі яны не складуць зброю і не здадуцца расійскім войскам, "разам са сваімі настаўнікамі з бандэраўцаў падлягаюць дэнацыфікацыі".

Намеснік кіраўніка Савета бяспекі таксама звярнуў увагу, што ўдзел замежных наёмнікаў у ваенных кампаніях не новая з'ява. Пры гэтым прыклады з мінулага паказваюць, што стаўка на "ўзброеных чужынцаў" даволі небяспечная. Нярэдка яна прыводзіла да страты незалежнасці дзяржаў.

Паводле слоў Дзмітрыя Мядзведзева, ва Украіну прыбылі тысячы замежных наёмнікаў з усяго свету. "Многія хочуць крыві і вострых адчуванняў", - лічыць Мядзведзеў. Ён дадаў, што ў сваёй большасці гэта прафесійныя забойцы з парушанай псіхікай, для якіх украінскі канфлікт - далёка не першая гарачая кропка. Пры гэтым, паведаміў Дзмітрый Мядзведзеў, многія замежныя наёмнікі пакінулі ўжо тэрыторыю Украіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі