ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
У свеце
13 мая 2022, 11:25

Мядзведзеў спрагназаваў развіццё свету пасля антырасійскіх санкцый

Дзмітрый Мядзведзеў. Фота ТАСС
Дзмітрый Мядзведзеў. Фота ТАСС

13 мая, Мінск /Кар. БЕЛТА/. Наступствы санкцый супраць Расіі будуць мець глабальныя маштабы. Свет сутыкнецца з крызісам у энергетыцы і фінансах, пад ударам будзе знаходзіцца харчовая бяспека, пачнуцца новыя рэгіянальныя канфлікты. Такі прагноз у сваім Telegram-канале зрабіў намеснік старшыні Савета бяспекі Расіі Дзмітрый Мядзведзеў.

Паводле яго слоў, пад уплывам санкцый будуць разарваны глабальныя ланцужкі паставак тавараў. З-за забароны для авіякампаній лятаць над Расіяй можна ўзнікнуць лагістычны крызіс.

Увядзенне абмежаванняў на пастаўкі расійскіх энерганосьбітаў, на думку Мядзведзева, нанясе перш за ўсё ўрон заходнім краінам. Такія меры прывядуць да далейшага росту цэн на нафту і газ, што толькі ўзмоцніць цяперашні энергетычны крызіс.

Дзмітрый Мядзведзеў звярнуў увагу на рост інфляцыі ў шэрагу дзяржаў і аслабленне нацыянальных валют. Такая сітуацыя можа прывесці да валютна-фінансавага крызісу.

Санкцыйная палітыка Захаду таксама з'яўляецца каталізатарам для харчовага крызісу ў глабальных маштабах. Дзмітрый Мядзведзеў не выключае, што насельніцтву асобных дзяржаў давядзецца галадаць.

Такая нестабільнасць у свеце выльецца ў новыя рэгіянальныя ваенныя канфлікты. Паводле слоў Дзмітрыя Мядзведзева, такі сцэнарый найбольш верагодны ў тых рэгіёнах, дзе на працягу многіх гадоў сітуацыя не вырашаецца ў мірным ключы альбо ігнаруюцца істотныя інтарэсы буйных міжнародных ігракоў.

Санкцыі паўплываюць і на глабальную бяспеку. Актывізуюцца тэрарысты, якія лічаць, што ўвага Захаду "адцягнута на разборкі з Расіяй", лічыць Мядзведзеў. Паводле яго слоў, небяспеку ўяўляе і выкарыстанне біялагічнай зброі, з-за чаго могуць пачацца новыя эпідэміі.

Усё гэта ў канчатковым выніку прывядзе да ўпадку ў рабоце міжнародных інстытутаў, такіх, як Савет Еўропы. Светапарадак, у цэнтры якога знаходзяцца ЗША, загіне. На карце свету будуць стварацца новыя альянсы краін, супрацоўніцтва якіх больш не будзе абапірацца на ідэалагічныя крытэрыі, прагназуе намеснік старшыні Савета бяспекі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі