8 лістапада, Мінск /Кар. БЕЛТА/. Турцыя пачала частковую аплату газу з Расіі ў рублях. Аб гэтым паведамляюць РІА Навіны са спасылкай на Міністэрства энергетыкі Турцыі.
"Было дасягнута пагадненне, частковая аплата пачалася ўжо. Маем намер актывізаваць нашу работу ў гэтым напрамку", - заявіў міністр энергетыкі Турцыі Фаціх Донмез. Ён таксама паведаміў, што Анкара і Масква вядуць тэхнічныя работы, якія датычацца гандлю ў нацыянальных валютах.
Як паведамлялася раней, Уладзімір Пуцін і Рэджэп Таіп Эрдаган у верасні на палях саміту ШАС дамовіліся, што Анкара будзе аплачваць 25 працэнтаў паставак расійскага газу ў рублях.-0-
Падпісвайцеся на нас у
