19 красавіка, Мінск /Кар. БЕЛТА/. Служба бяспекі Украіны (СБУ) рыхтуецца да правакацыі з масавым расстрэлам жыхароў у Адэскай вобласці з мэтай абвінаваціць потым расійскія войскі. Аб гэтым заявіў начальнік Нацыянальнага цэнтра кіравання абаронай Расійскай Федэрацыі генерал-палкоўнік Міхаіл Мізінцаў, паведамляе ТАСС.
"Паводле існуючай дакладнай інфармацыі, Служба бяспекі Украіны рыхтуе чарговую жахлівую правакацыю для абвінавачвання ваеннаслужачых РФ у так званых ваенных злачынствах з масавым знішчэннем мірных жыхароў у Адэскай вобласці", - паведаміў Міхаіл Мізінцаў.
Прадстаўнік Мінабароны РФ растлумачыў, што для гэтай мэты адно з падраздзяленняў СБУ пераапрануць у форму ваеннаслужачых Расіі, а потым учыняць дэманстратыўны расстрэл жыхароў Адэскай вобласці. Фатаграфіі і відэазапісы з нібыта бясчынствамі расіян для неадкладнай цынічнай прапаганды фэйкаў будуць апублікаваны заходнімі і ўкраінскімі СМІ.
Рыхтуемая правакацыя наглядна дэманструе, наколькі бесчалавечна ўлады Украіны ставяцца да мірных грамадзян сваёй краіны. Дзеянні Кіева сведчаць аб поўным зневажанні ўсіх існуючых норм маралі і міжнароднага гуманітарнага права. Прадстаўнік Мінабароны падкрэсліў, што Расія загадзя папярэджвае "цывілізаваны Захад", у прыватнасці, Злучаныя Штаты, што яна мае аператыўную доказную базу аб злачынствах, якія рыхтуюцца з боку Кіева.-0-
