31 жніўня, Мінск /Кар. БЕЛТА/. На еўрапейскіх біржах кошт газу ў асенне-зімовы перыяд можа перасягнуць $4 тыс. за тысячу кубаметраў. Аб гэтым заявіў кіраўнік расійскага холдынга "Газпрам" Аляксей Мілер, паведамляе ТАСС.
Паводле яго слоў, сітуацыя з прыродным газам на біржах сёння нагадвае "цэнавае ралі". Кошт блакітнага паліва не раз перасягаў $3 тыс. за тысячу кубаметраў.
Мілер заявіў, што самыя кансерватыўныя прагнозы "Газпрама" сведчаць аб тым, што кошт газу на піку восенню і зімой можа перасягнуць $4 тыс. за тысячу кубаметраў. Калі абставіны не зменяцца, то гэтак і адбудзецца.
Кіраўнік "Газпрама" таксама адзначыў, што на рост кошту газу ў апошнія дні пачало ўплываць павелічэнне попыту на ЗПГ з боку азіяцкіх краін. "Азіяцкі сезонны фактар аказвае націск на цэнавы трэнд", - заявіў Мілер.
Ён таксама паведаміў, што запасаў газу ў Расіі хопіць на сто гадоў наперад, пры гэтым некаторыя радовішчы будуць працаваць і ў 2120 годзе.-0-
