Мабільная версія
ДЗЯРЖОРГАНЫ

Апошнія навіны
Усе навіны

Меркель: праблема з бежанцамі больш маштабная, чым фінансавы крызіс у еўразоне 10 гадоў таму

У свеце 12.09.2018 | 19:03
Ангела Меркель. Фота Reuters
Ангела Меркель. Фота Reuters

12 верасня, Мінск /Кар. БЕЛТА/. Канцлер Германіі Ангела Меркель у час сённяшняга выступлення на генеральных дэбатах у бундэстагу 12 верасня заявіла, што міграцыйны крызіс - самы вялікі выклік для Еўропы, паведамляе тэлерадыёкампанія Deutsche Welle.

Ангела Меркель назвала праблему з наплывам бежанцаў яшчэ больш маштабнай, чым фінансавы крызіс у еўразоне дзесяць гадоў таму.

Кіраўнік германскага ўрада падкрэсліла, што міграцыйны крызіс мае вырашальнае значэнне для будучыні Еўрасаюза, аднак "вырашэння мы яшчэ не знайшлі". Разам з тым Ангела Меркель заклікала еўрапейскія краіны да сумесных дзеянняў, заявіўшы, што "калі Еўропа проста скажа: мы закрываем свае граніцы і нас не хвалюе, што адбываецца ў нашых суседзяў, тады нічога не атрымаецца".

Каменціруючы нядаўнія падзеі ў нямецкіх гарадах, дзе загінулі двое немцаў, канцлер адзначыла, што нават абурэнне ў сувязі з гэтым не можа апраўдаць "дэманстрацыі з бесчалавечнымі лозунгамі". Цкаванне мігрантаў і нацысцкія слоганы нельга ні дараваць, ні растлумачыць, заявіла Ангела Меркель.

Ва ўсходнегерманскім горадзе Кётэн 9 верасня 22-гадовы немец памёр пасля бойкі з выхадцамі з Афганістана, якія прыбылі ў ФРГ у якасці бежанцаў. Пасля медыцынскай экспертызы стала вядома, што смерць наступіла з-за "вострага інфаркту, які не быў прамым вынікам атрыманых цялесных пашкоджанняў". За два тыдні да гэтага ў горадзе Хемніц у бойцы быў забіты 35-гадовы мужчына. Паліцыя затрымала двух падазроных, якія прасілі ў Германіі статус бежанца. Абедзве падзеі выклікалі шырокі рэзананс у СМІ і прывялі да масавых дэманстрацый як правых радыкалаў, так і проста праціўнікаў міграцыйнай палітыкі Берліна.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Плюсы і мінусы процігалалёдных рэагентаў Аўтамабільныя дарогі ў Беларусі пасыпаюць песка-саляной сумессю або тэхнічнай соллю ў залежнасці ад надвор'я.