ДЗЯРЖОРГАНЫДЗЯРЖОРГАНЫ
Пятніца, 10 ліпеня 2020
Мінск Суцэльная воблачнасць +14°C
Усе навіны
Усе навіны
У свеце
03 чэрвеня 2020, 16:59

Масавае тэсціраванне на COVID-19 ва Ухані выявіла толькі бессімптомныя выпадкі

3 чэрвеня, Мінск /Кар. БЕЛТА/. У кітайскім Ухані за 19 дзён пратэсціравалі на каранавірус новага тыпу амаль усё насельніцтва горада. У выніку не было выяўлена ніводнага выпадку заражэння COVID-19 з сімптомамі хваробы, паведамляе Міжнароднае радыё Кітая.

Усяго за перыяд па 1 чэрвеня ў кітайскім Ухані было праведзена 9 899 828 тэстаў на выяўленне хворых на COVID-19, расказаў прафесар Хуачжунскага ўніверсітэта навукі і тэхналогіі Лу Цзусюнь. Па выніках масавага тэсціравання было выяўлена 300 бессімптомных носьбітаў новага тыпу каранавіруса, якіх змясцілі на каранцін. Пад медыцынскім наглядам таксама апынулася 1174 чалавекі, якія мелі цесныя кантакты з імі.

Тэсціраванне праводзілася бясплатна, прыняць удзел у ім мог кожны жадаючы. Усе расходы на яго правядзенне будуць размеркаваны паміж гарадскімі раённымі ўправамі. Праграма масавага тэсціравання абышлася больш як у $120 млн, паведамляе японская тэлерадыёкампанія NHK.

Рашэнне аб правядзенні маштабнага скрынінгу насельніцтва Ухані было прынята пасля таго, як 9 і 10 мая там былі зафіксаваны шэсць новых выпадкаў інфіцыравання каранавірусам. Да гэтага моманту выпадкі заражэння не выяўляліся ў горадзе на працягу больш як аднаго месяца.

У правінцыі Хубэй налічваецца ў агульнай колькасці больш за 68 тыс. пацверджаных выпадкаў захворвання на COVID-19, больш за 50 тыс. з іх былі зафіксаваны ва Ухані.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі