5 лютага, Мінск /Кар. БЕЛТА/. Маніторынг пазачарговых выбараў прэзідэнта Азербайджанскай Рэспублікі праводзяць 169 наглядальнікаў ад СНД. Аб гэтым БЕЛТА паведамілі ў штабе місіі наглядальнікаў ад СНД.
5 лютага ў Баку прайшла сустрэча кіраўніка місіі наглядальнікаў ад СНД на пазачарговых выбарах прэзідэнта Азербайджанскай Рэспублікі, генеральнага сакратара СНД Сяргея Лебедзева са старшынёй Цэнтральнай выбарчай камісіі Азербайджана Мазахірам Панахавым. Бакі абмеркавалі пытанні падрыхтоўкі да правядзення пазачарговых выбараў прэзідэнта Азербайджана, якія адбудуцца 7 лютага.
Сяргей Лебедзеў праінфармаваў Мазахіра Панахава аб дзейнасці місіі. "Місія ажыццяўляе сваю дзейнасць свабодна і незалежна, кіруючыся заканадаўствам Азербайджанскай Рэспублікі, дакументамі, прынятымі ў рамках Садружнасці, не ўмешваючыся ў выбарчы працэс і ва ўнутраныя справы дзяржавы. Штаб місіі канструктыўна ўзаемадзейнічае з Цэнтральнай выбарчай камісіяй. Рэгулярна праводзімыя сустрэчы, атрыманне з Цэнтрвыбаркама ўсіх неабходных звестак - усё гэта сведчыць аб адкрытым характары работы. Місія наглядальнікаў ад СНД пазітыўна ацэньвае праведзеную работу Цэнтральнай выбарчай камісіі па навучанні старшынь, сакратароў, членаў акруговых і ўчастковых выбарчых камісій", - сказаў ён.
Паводле слоў генеральнага сакратара, у рамках маніторынгу выбарчай кампаніі доўгатэрміновыя наглядальнікі ад СНД наведалі дваццаць раёнаў краіны, Нахчыванскую Аўтаномную Рэспубліку, гарады Баку, Гянджа, Яўлах, Ленкарань, Сумгаіт, Шырван, дзе азнаёміліся з работай акруговых і ўчастковых выбарчых камісій. "Нашы наглядальнікі канстатуюць, што цэнтральнымі і мясцовымі органамі выканаўчай улады рэспублікі, выбарчымі камісіямі ўсіх узроўняў створаны спрыяльныя ўмовы для правядзення свабодных і адкрытых выбараў. Цяпер у рэспубліку прыбываюць з краін Садружнасці кароткатэрміновыя наглядальнікі. Пасля інструктажу ў штабе місіі і атрымання неабходнай дакументацыі яны раз'едуцца па рэгіёнах краіны", - адзначыў Сяргей Лебедзеў.
Ён асабліва падкрэсліў, што ацэнкі місіі будуць грунтавацца выключна на аснове ўласнага назірання, афіцыйнай інфармацыі, фактычнага матэрыялу, прадстаўленага выбарчымі камісіямі і органамі дзяржаўнага кіравання, якія забяспечваюць падрыхтоўку і правядзенне выбараў, а таксама даных, атрыманых у выніку асабістых сустрэч з удзельнікамі выбарчага працэсу.
Мазахір Панахаў расказаў аб ходзе падрыхтоўкі да пазачарговых выбараў прэзідэнта Азербайджанскай Рэспублікі і адказаў на пытанні членаў місіі наглядальнікаў ад СНД.
У складзе місіі акрэдытаваны 169 наглядальнікаў. Яны прадстаўляюць Беларусь, Казахстан, Кыргызстан, Расію, Таджыкістан, Туркменістан, Узбекістан, а таксама Міжпарламенцкую асамблею СНД, Парламенцкі сход Саюза Беларусі і Расіі, Выканаўчы камітэт Садружнасці Незалежных Дзяржаў. У дзень выбараў прадстаўнікі місіі плануюць наведаць выбарчыя ўчасткі ў многіх гарадах і раёнах Азербайджанскай Рэспублікі. Яны будуць назіраць за ўсімі этапамі галасавання: ад адкрыцця выбарчых участкаў да падвядзення ўчастковымі выбарчымі камісіямі вынікаў галасавання.
Высновы місіі наглядальнікаў ад СНД будуць абнародаваны на прэс-канферэнцыі на наступны дзень пасля выбараў, 8 лютага.-0-
5 лютага ў Баку прайшла сустрэча кіраўніка місіі наглядальнікаў ад СНД на пазачарговых выбарах прэзідэнта Азербайджанскай Рэспублікі, генеральнага сакратара СНД Сяргея Лебедзева са старшынёй Цэнтральнай выбарчай камісіі Азербайджана Мазахірам Панахавым. Бакі абмеркавалі пытанні падрыхтоўкі да правядзення пазачарговых выбараў прэзідэнта Азербайджана, якія адбудуцца 7 лютага.
Сяргей Лебедзеў праінфармаваў Мазахіра Панахава аб дзейнасці місіі. "Місія ажыццяўляе сваю дзейнасць свабодна і незалежна, кіруючыся заканадаўствам Азербайджанскай Рэспублікі, дакументамі, прынятымі ў рамках Садружнасці, не ўмешваючыся ў выбарчы працэс і ва ўнутраныя справы дзяржавы. Штаб місіі канструктыўна ўзаемадзейнічае з Цэнтральнай выбарчай камісіяй. Рэгулярна праводзімыя сустрэчы, атрыманне з Цэнтрвыбаркама ўсіх неабходных звестак - усё гэта сведчыць аб адкрытым характары работы. Місія наглядальнікаў ад СНД пазітыўна ацэньвае праведзеную работу Цэнтральнай выбарчай камісіі па навучанні старшынь, сакратароў, членаў акруговых і ўчастковых выбарчых камісій", - сказаў ён.
Паводле слоў генеральнага сакратара, у рамках маніторынгу выбарчай кампаніі доўгатэрміновыя наглядальнікі ад СНД наведалі дваццаць раёнаў краіны, Нахчыванскую Аўтаномную Рэспубліку, гарады Баку, Гянджа, Яўлах, Ленкарань, Сумгаіт, Шырван, дзе азнаёміліся з работай акруговых і ўчастковых выбарчых камісій. "Нашы наглядальнікі канстатуюць, што цэнтральнымі і мясцовымі органамі выканаўчай улады рэспублікі, выбарчымі камісіямі ўсіх узроўняў створаны спрыяльныя ўмовы для правядзення свабодных і адкрытых выбараў. Цяпер у рэспубліку прыбываюць з краін Садружнасці кароткатэрміновыя наглядальнікі. Пасля інструктажу ў штабе місіі і атрымання неабходнай дакументацыі яны раз'едуцца па рэгіёнах краіны", - адзначыў Сяргей Лебедзеў.
Ён асабліва падкрэсліў, што ацэнкі місіі будуць грунтавацца выключна на аснове ўласнага назірання, афіцыйнай інфармацыі, фактычнага матэрыялу, прадстаўленага выбарчымі камісіямі і органамі дзяржаўнага кіравання, якія забяспечваюць падрыхтоўку і правядзенне выбараў, а таксама даных, атрыманых у выніку асабістых сустрэч з удзельнікамі выбарчага працэсу.
Мазахір Панахаў расказаў аб ходзе падрыхтоўкі да пазачарговых выбараў прэзідэнта Азербайджанскай Рэспублікі і адказаў на пытанні членаў місіі наглядальнікаў ад СНД.
У складзе місіі акрэдытаваны 169 наглядальнікаў. Яны прадстаўляюць Беларусь, Казахстан, Кыргызстан, Расію, Таджыкістан, Туркменістан, Узбекістан, а таксама Міжпарламенцкую асамблею СНД, Парламенцкі сход Саюза Беларусі і Расіі, Выканаўчы камітэт Садружнасці Незалежных Дзяржаў. У дзень выбараў прадстаўнікі місіі плануюць наведаць выбарчыя ўчасткі ў многіх гарадах і раёнах Азербайджанскай Рэспублікі. Яны будуць назіраць за ўсімі этапамі галасавання: ад адкрыцця выбарчых участкаў да падвядзення ўчастковымі выбарчымі камісіямі вынікаў галасавання.
Высновы місіі наглядальнікаў ад СНД будуць абнародаваны на прэс-канферэнцыі на наступны дзень пасля выбараў, 8 лютага.-0-
