10 красавіка, Мінск /Кар. БЕЛТА/. Урад Ліхтэнштэйна пасля 20 красавіка можа прыняць рашэнне аб змякчэнні каранцінных мер, звязаных з пандэміяй COVID-19. Аб гэтым паведамляе Radio Liechtenstein.
У трэцяй дэкадзе красавіка ўрад вырашыць, як дзейнічаць у канкрэтных умовах і якім чынам можна ажыццявіць паступовае змякчэнне мер. Пры прыняцці такога рашэння ўлады Ліхтэнштэйна будуць арыентавацца на сітуацыю ў суседніх Швейцарыі і Аўстрыі.
Паводле даных на 10 красавіка, 79 чалавек, якія пражываюць у Ліхтэнштэйне, атрымалі дадатны тэст на COVID-19. Улады княства робяць усё магчымае, каб максімальна запаволіць распаўсюджванне каранавіруса і прадухіліць перагрузку сістэмы аховы здароўя. Пры гэтым улады Ліхтэнштэйна зноў нагадалі насельніцтву аб неабходнасці заставацца дома ў велікодныя дні.
Агульная колькасць заражаных COVID-19 у свеце па стане на 10 красавіка дасягнула 1,6 млн, больш як 95 тыс. чалавек з пачатку ўспышкі памерлі.-0-
