Сцяг Пятніца, 29 сакавіка 2024
Усе навіны
Усе навіны
У свеце
28 чэрвеня 2022, 14:10

Лебедзеў: спадзяёмся, што Малдова захавае ўзаемадзеянне і сваю дзейнасць у СНД

28 чэрвеня, Мінск /Кар. БЕЛТА/. Спадзяёмся, што Малдова захавае ўзаемадзеянне і сваю дзейнасць у СНД. Аб гэтым заявіў журналістам старшыня Выканаўчага камітэта - выканаўчы сакратар СНД Сяргей Лебедзеў, перадае карэспандэнт БЕЛТА.

"Я ўжо шмат гадоў на пасадзе старшыні Выканкама СНД, і заявы аб магчымым выхадзе той ці іншай дзяржавы гучаць рэгулярна. Агучваюць гэтыя заявы грамадскія дзеячы, дэпутаты, журналісты і гэтак далей. Афіцыйна ніхто пакуль з кіруючых дзеячаў Малдовы аб выхадзе з СНД не заяўляў", - сказаў Сяргей Лебедзеў.

Больш таго, чуваць заявы, у прыватнасці, з боку міністра замежных спраў, прэм'ер-міністра Малдовы, што з Садружнасці выходзіць рана, яна карысная для краіны, адзначыў старшыня Выканаўчга камітэта. "Большасць краін Садружнасці, і аб гэтым неаднаразова заяўлялася, лічаць, што ўмацаванне ўзаемадзеяння з Еўрасаюзам не павінна перашкаджаць захаванню і развіццю супрацоўніцтва ў рамках Садружнасці Незалежных Дзяржаў. Адно другому не перашкаджае. Калі ласка, гэта права кожнай дзяржавы - вызначаць партнёраў па ўзаемадзеянні, але не на шкоду партнёрству з іншымі дзяржавамі. Мы вельмі спадзяёмся, што Малдова захавае ўзаемадзеянне, сваю дзейнасць у рамках СНД, - адзначыў Сяргей Лебедзеў. - На жаль, канстатую, што апошнія месяцы актыўнасць Малдовы ва ўзаемадзеянні знізілася істотна, але не спынена ўзаемадзеянне з СНД".-0-

Падпісвайцеся на нас у
Twitter
Топ-навіны
Свежыя навіны Беларусі