ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
У свеце
01 снежня 2022, 15:14

Лаўроў заявіў, што Еўропа спрабуе выбудаваць бяспеку без РФ і Беларусі

Сяргей Лаўроў. Фота ТАСС
Сяргей Лаўроў. Фота ТАСС

1 снежня, Мінск /Кар. БЕЛТА/. Еўрапейскія палітыкі спрабуюць выбудаваць бяспеку без Расійскай Федэрацыі і Беларусі. Аб гэтым заявіў кіраўнік МЗС РФ Сяргей Лаўроў на прэс-канферэнцыі па праблематыцы еўрапейскай бяспекі, паведамляе ТАСС.

"Нам такая бяспека не патрэбна", - падкрэсліў Лаўроў, дадаўшы, што цяпер уся бяспека Еўропы зводзіцца толькі да таго, што яна поўнасцю падпарадкавалася ЗША.

Паводле слоў кіраўніка расійскага знешнепалітычнага ведамства, узаемадзеянне па еўрапейскай бяспецы наўрад ці ўдасца аднавіць у хуткім часе, але расія гатова выслухаць прапановы Захаду. Пры гэтым Лаўроў удакладніў, што супрацоўніцтва па бяспецы з заходнімі краінамі будзе магчыма "толькі на прынцыпова новых пачатках узаемадзеяння".

Лаўроў таксама звярнуў увагу на тое, што НАТА вярнулася да канцэптуальных прыярытэтаў халоднай вайны. Міністр адзначыў, што ваенныя вучэнні альянсу ў апошнія гады праводзяцца ўсё часцей і ўсё бліжэй да граніц Расіі. Ён растлумачыў, што такія вучэнні нацэлены на стрымліванне Расійскай Федэрацыі, хоць заходнія палітыкі і спрабуюць "затушаваць" іх антырасійскую накіраванасць.

Акрамя таго, кіраўнік МЗС РФ канстатаваў, што дзеянні Паўночнаатлантычнага альянсу ствараюць выбухованебяспечную сітуацыю ў Азіяцка-Ціхаакіянскім рэгіёне. У адказ на гэта Расія і Кітай сталі ўмацоўваць ваеннае супрацоўніцтва і праводзіць сумесныя вучэнні.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі