Сцяг Нядзеля, 21 ліпеня 2024
Усе навіны
Усе навіны
У свеце
02 красавіка 2024, 12:22

Лаўроў: ніякія варварскія тэракты не могуць запалохаць і зламаць дух расіян і беларусаў

Сяргей Лаўроў. Фота МЗС РФ
Сяргей Лаўроў. Фота МЗС РФ
2 красавіка, Мінск /Кар. БЕЛТА/. Ніякія варварскія тэрарыстычныя атакі не могуць запалохаць і зламаць дух расіян і беларусаў. Аб гэтым гаворыцца ў апублікаваным на сайце расійскага знешнепалітычнага ведамства віншаванні кіраўніка МЗС Расіі Сяргея Лаўрова кіраўніку МЗС Беларусі Сяргею Алейніку з нагоды Дня яднання народаў Беларусі і Расіі.

"Ніякія варварскія тэрарыстычныя атакі не могуць запалохаць і зламаць дух расіян і беларусаў, вымушаных з гэтага часу аплакваць у адзін дзень ахвяр нацысцкіх памагатых не толькі Хатыні, але і Краснагорска", - адзначыў кіраўнік МЗС Расіі.

Сяргей Лаўроў перакананы што агульныя цяжкія выпрабаванні яшчэ больш яднаюць народы дзвюх краін, умацоўваюць рашучасць пакончыць са злом, распаўсюджваемым чалавеканенавісніцкімі ідэалогіямі неанацызму і рэлігійнага экстрэмізму.

Як заявіў міністр замежных спраў, Масква і Мінск разам могуць справіцца з самымі сур'ёзнымі пагрозамі і выклікамі, якія кідае калектыўны Захад, а таксама забяспечыць бяспеку і працвітанне ўсіх расіян і беларусаў.

"Разлічваю на прадаўжэнне традыцыйнай цеснай каардынацыі паміж нашымі знешнепалітычнымі ведамствамі на сусветнай арэне ў адпаведнасці з Праграмай узгодненых дзеянняў на 2024-2026 гады. Настроены на цеснае дыпламатычнае суправаджэнне шматпланавага двухбаковага супрацоўніцтва і інтэнсіўных інтэграцыйных працэсаў у рамках Саюзнай дзяржавы, ЕАЭС, АДКБ і СНД", - падкрэсліў ён.-0-
Падпісвайцеся на нас у
Twitter
Топ-навіны
Свежыя навіны Беларусі