Сцяг Нядзеля, 14 красавіка 2024
Усе навіны
Усе навіны
У свеце
06 лютага 2024, 16:08

Лаўроў: Глабальны Поўдзень усведамляе, што ніхто не застрахаваны ад "бандытызму " Захаду ў эканоміцы

Сяргей Лаўроў. Фота ТАСС
Сяргей Лаўроў. Фота ТАСС
6 лютага, Мінск /Кар. БЕЛТА/. У краінах Глабальнага Поўдня расце разуменне, што ніхто не можа быць застрахаваны ад "бандытызму" ў эканоміцы з боку калектыўнага Захаду. Аб гэтым заявіў кіраўнік МЗС РФ Сяргей Лаўроў на пасяджэнні дзелавога савета пры Міністэрстве замежных спраў, перадае ТАСС.

Расійскі дыпламат указаў, што антырасійскія крокі "не знаходзяць падтрымкі ў пераважнай большасці дзяржаў Глабальнага Поўдня, ва ўсіх тых краін Азіі, Афрыкі і Лацінскай Амерыкі, якія праводзяць самастойны знешнепалітычны курс і кіруюцца перш за ўсё нацыянальнымі інтарэсамі". Таму многія дзяржавы цяпер актыўна прымяняюць у знешнегандлёвых разліках альтэрнатыўныя валюты і плацежныя платформы. Паводле яго слоў, з'яўляюцца міжнародныя транспартныя калідоры, вытворча-збытавыя ланцужкі, якія "ўстойлівыя да спроб недружалюбных краін перашкодзіць рэалізацыі ўзаемавыгадных праектаў".

Лаўроў адзначыў, што калектыўны Захад на чале са Злучанымі Штатамі "ніяк не супакоіцца" ў імкненні нанесці РФ стратэгічнае паражэнне і стрымаць яе развіццё. Кіраўнік расійскага знешнепалітычнага ведамства дадаў, што супраць РФ "развязана самая сапраўдная гібрыдная вайна", і адзін з яе важнейшых франтоў якраз праходзіць у сферы эканомікі. "На нас абрушылі шэраг мер, якія накіраваны на адкрытую дыскрымінацыю айчынных эканамічных аператараў, шантажыруюць нашых традыцыйных замежных партнёраў, запусцілі маштабную інфармацыйную кампанію па дыскрэдытацыі Расіі як гандлёва-інвестыцыйнага контрагента. Прычым усім гавораць: "Мы падарвём расійскую эканоміку, яна будзе неканкурэнтаздольнай", - даў ацэнку сітуацыі кіраўнік МЗС РФ.

Расійскі прэзідэнт Уладзімір Пуцін пры гэтым у пачатку студзеня заявіў, што расійская эканоміка паказала добрыя вынікі. Расію "з усіх бакоў душаць, націскаюць", а па аб'ёме эканомікі краіна ў цэлым першая ў Еўропе. "Мы абагналі ФРГ. І занялі пятае месца ў свеце. Кітай, ЗША, Індыя, Японія, Расія. У Еўропе нумар адзін", - заявіў Пуцін. Ён таксама ўказаў, што па выніках 2023 года рост валавога ўнутранага прадукту (ВУП) Расіі можа перавысіць 4 працэнты.-0-
Падпісвайцеся на нас у
Twitter
Топ-навіны
Свежыя навіны Беларусі