7 верасня, Мінск /Кар. БЕЛТА/. Куба стала першай краінай у свеце, у якой пачалася вакцынацыя ад каранавіруса дзяцей ва ўзросце ад 2 гадоў, паведамляе Deutsche Welle.
У кубінскай правінцыі Сьенфуэгас пачалі рабіць прышчэпкі ад COVID-19 дзецям ва ўзросце ад 2 да 11 гадоў. Для вакцынацыі на Кубе выкарыстоўваюцца мясцовыя прэпараты Abdala і Soberana.
З-за пандэміі школы на Кубе практычна не адкрываліся з сакавіка 2020 года. Між тым 6 верасня пачаўся новы навучальны год, выкладанне вядзецца праз тэлебачанне з-за адсутнасці ў большасці сем'яў выхаду ў інтэрнэт. Улады плануюць пачаць паступовае адкрыццё школ з кастрычніка, калі да гэтага часу ўсе дзеці і падлеткі будуць прышчэплены ад каранавіруса.
У многіх іншых рэгіёнах свету, уключаючы краіны ЕС, прадаўжаецца вакцынацыя дзяцей ва ўзросце ад 12 гадоў. Кітай, ААЭ і Венесуэла заявілі, што ў бліжэйшы час пачнуць прышчапляць дзяцей малодшага ўзросту.-0-