25 лютага, Гавана /БЕЛТА - Прэнса Лаціна/. Куба пачала масавую вытворчасць уласнай вакцыны ад каранавіруса Abdala, паведамілі ў кубінскай фармацэўтычнай кампаніі BioCubaFarma.
Вакцына Abdala прадэманстравала ўжо бяспеку і эфектыўнасць супраць COVID-19 у час клінічных выпрабаванняў. Першая фаза выпрабаванняў пачалася 7 снежня, другая фаза - 1 лютага. Плануецца, што ў сакавіку пачнецца заключны этап выпрабаванняў.
Паралельна з Abdala Куба праводзіць выпрабаванні вакцыны Sovereign 02. Трэцяя фаза клінічных выпрабаванняў гэтага прэпарата павінна пачацца 1 сакавіка з удзелам 42,6 тыс. добраахвотнікаў. Калі выпрабаванні пройдуць паспяхова, Куба плануе паставіць каля 100 млн доз Sovereign 02 у замежныя краіны.-0