8 снежня, Мінск /Кар. БЕЛТА/. Начальнік штаба абароны УС Індыі генерал Біпін Рават, яго жонка і яшчэ 11 чалавек загінулі ў выніку крушэння ваеннага верталёта сёння раніцай у штаце Тамілнад. Аб гэтым паведамляе агенцтва АНІ.
Паводле даных агенцтва, адзін чалавек выжыў. Верталёт вылецеў са станцыі ВПС у Сулуры і накіроўваўся ў каледж Міністэрства абароны ў горадзе Велінгтан, які знаходзіцца на захадзе штата Тамілнад. Усяго на борце верталёта знаходзілася 14 чалавек, у тым ліку жонка начштаба абароны, яго памочнік, ахова і ваеннаслужачыя ВПС Індыі.
На месцы крушэння працуюць эстранныя службы. Целы, знойдзеныя на месцы здарэння, былі дастаўлены ў ваенны шпіталь Велінгтана.-0-