Фота pexels
14 кастрычніка, Мінск /Кар. БЕЛТА/. Міністры ўнутраных спраў краін Еўрасаюза абмяркуюць 14 кастрычніка ў Люксембургу пытанне ўзмацнення міграцыйнага заканадаўства ў супольніцтве, аднак "глыбокія рознагалоссі" паміж краінамі могуць перашкодзіць прыняць рашэнне. Аб гэтым паведамляе газета Financial Times са спасылкай на крыніцы, інфармуе ТАСС.
"Самае палітычна адчувальнае пытанне ў рамках дырэктывы аб вяртанні - гэта пытанне аб абавязковым прызнанні (рашэння іншай краіны Еўрасаюза аб дэпартацыі мігранта. - Заўвага БЕЛТА). Паміж дзяржавамі - членамі ЕС існуюць глыбокія рознагалоссі", - заявіў неназваны еўрапейскі дыпламат.
Шэраг краін, такія як Швецыя і Германія, выступаюць за добраахвотнае прызнанне рашэнняў іншых дзяржаў аб дэпартацыі прасіцеляў прыстанішча, у той час як іншыя выступаюць супраць такога падыходу. Менавіта гэта рознагалоссе, на думку еўрапейскага дыпламата, перашкодзіць міністрам унутраных спраў дасягнуць кансэнсусу на маючай адбыцца сустрэчы.
Яшчэ адным спрэчным пытаннем з'яўляецца міграцыйная стратэгія "абавязковай салідарнасці", якая была прызначана аблегчыць "міграцыйны націск" на некаторыя краіны шляхам перасялення прасіцеляў прыстанішча ў іншыя краіны супольніцтва. Не ўсе дзяржавы гатовы прымаць дадатковых мігрантаў, а Польшча наогул выступае цалкам супраць гэтага механізма.
Паводле даных Еўрапейскай камісіі, толькі 20 працэнтаў тых, каму было адмоўлена ў прадастаўленні прыстанішча на тэрыторыі ЕС, вяртаюцца ў свае краіны. Многія краіны Еўрасаюза не прызнаюць рашэння адна адной аб вяртанні, адпаведна людзі могуць падаць заяву на прыстанішча ужо ў іншай краіне супольніцтва. Акрамя таго, некаторыя дзяржавы адмаўляюцца прымаць мігрантаў назад. Еўракамісія раней прапанавала новую стратэгію па спрашчэнні адпраўкі мігрантаў у свае краіны або спецыяльна створаныя цэнтры за межамі Еўрапейскага саюза.-0-
Падпісвайцеся на нас у
