19 верасня, Мінск /Кар. БЕЛТА/. Краіны Балтыі і Польшча ўвялі забарону на ўезд расіянам. Аб гэтым паведамляе ТАСС.
Адзначаецца, што рашэнне літоўскага Сейма ад 13 верасня аб закрыцці магчымасці ўезду ў краіну для грамадзян РФ уступіла ў сілу сёння ў 0.00. З гэтага моманту расіяне не будуць мець магчымасці ўехаць у краіну нават пры наяўнасці дзеючай еўрапейскай візы.
Такія абмежаванні былі падтрыманы астатнімі краінамі Балтыі і Польшчай, якія з сённяшняга дня таксама закрылі ўезд для грамадзян Расіі. Адзначаецца, што забарона не закране дыпламатаў і работнікаў кампаній, якія займаюцца перавозкамі ў іншыя краіны Еўрасаюза, а таксама членаў сем'яў тых асоб, якія могуць прадставіць пасведчанне на права жыхарства ў краінах - членах Еўрапейскага саюза.-0-
