12 лютага, Мінск /Кар. БЕЛТА/. Кожны 50-ы жыхар Зямлі ўжо атрымаў прышчэпку ад каранавіруса, паведамляе ТАСС, спасылаючыся на даныя СМІ, улад і экспертаў.
Агульная колькасць атрымаўшых вакцыну ад COVID-19 у свеце перасягнула 159 млн. Такім чынам, доля прышчэпленых складае ўжо больш за 2 працэнты насельніцтва планеты, якое Фонд народанасельніцтва ААН ацэньвае ў памеры 7,795 млрд чалавек на сярэдзіну 2020 года.
За апошні тыдзень за суткі ў сярэднім робяць каля 6 млн прышчэпак. Больш за ўсё зрабілі жыхарам ЗША - звыш 48 млн. На другім месцы Кітай (больш за 40 млн вакцынаваных), на трэцім - Вялікабрытанія (каля 14,1 млн). На гэтыя краіны прыпадае каля 65 працэнтаў усіх прышчэпленых. Таксама хуткімі тэмпамі ідзе кампанія вакцынацыі ў Індыі (7 млн) і Ізраілі (6,2 млн). Пры гэтым самая высокая доля прышчэпленага насельніцтва ў Ізраілі (69,3 працэнта) і ААЭ (49,8 працэнта).
Усяго з пачатку пандэміі каранавірусная інфекцыя была выяўлена ў 107,8 млн чалавек, больш за 2,3 млн з іх памерлі.-0-
