
Фота з архіва
15 чэрвеня, Мінск /Кар. БЕЛТА/. Цана газу ў Еўропе падчас біржавых таргоў упершыню з 12 мая перасягнула $1200 за 1 тыс. куб.м, вынікае з даных лонданскай біржы ICE, паведамляе ТАСС.
Цана ліпеньскага ф'ючарса на хабе TTF у Нідэрландах вырасла да $1216 за 1 тыс. куб.м, або 112,995 еўра за МВт.гадз.
З пачатку таргоў кошт газу ў цэлым расце больш як на 16 працэнтаў.
Адзначаецца, што гэта адбываецца на фоне навін аб новым зніжэнні паставак газу па "Паўночным патоку" і спыненні яшчэ аднаго газатурбіннага рухавіка Siemens, у выніку чаго з 16 чэрвеня прапампоўка знізіцца яшчэ на трэць - да 67 млн куб.м за суткі.-0-