18 кастрычніка, Мінск /Кар. БЕЛТА/. Кошт дызельнага паліва на аўтазаправачных станцыях у Германіі дасягнуў рэкорднай адзнакі, упершыню ў гісторыі ўзняўшыся да 1,555 еўра за літр, паведамляе ТАСС.
Паводле даных Агульнагерманскага аўтамабільнага клуба (ADAC), пабіты рэкорд жніўня 2012 года, калі цана дызельнага паліва дасягала 1,554 еўра за літр.
Як паведамляе нямецкі тэлеканал Welt, цэны на паліва ў Германіі растуць ужо некалькі месяцаў. Асноўны драйвер росту - высокая цана на нафту. На кошт дызельнага паліва таксама ўплывае высокі попыт на топачны мазут, што характэрна для асенняга перыяду.-0-
