16 лютага, Мінск /Кар. БЕЛТА/. Колькасць загінулых у выніку разбуральных землетрасенняў у Турцыі ўзрасла да 36 187 чалавек. Аб гэтым піша агенцтва Анадолу.
Кіраўнік МЗС Турцыі Меўлют Чавушаглу праінфармаваў, што 7098 ратавальнікаў з 74 краін прадаўжаюць работы ў зоне бедства. Ён падзякаваў кожнай краіне, якая прыйшла на дапамогу Турцыі ў гэты цяжкі момант.
Раней паведамлялася, што ў выніку стыхійнага бедства паранены амаль 81 тыс. чалавек, большасць з іх ужо выпісаны з бальніц. Прэзідэнт Турцыі Рэджэп Таіп Эрдаган паведаміў, што пошукава-выратавальным атрадам удалося выратаваць з-пад завалаў больш за 8 тыс. чалавек.
Вялікая колькасць жылых дамоў у пацярпелых ад землетрасення раёнах разбурана. З сакавіка ў Турцыі пачнецца будаўніцтва 30 тыс. дамоў для пакінутых без дома людзей. У дзесяці правінцыях, закранутых землетрасеннямі, на 90 дзён уведзены рэжым надзвычайнага здарэння.-0-
