ДЗЯРЖОРГАНЫДЗЯРЖОРГАНЫ
Флаг Пятніца, 22 кастрычніка 2021
Мінск Ясна +10°C
Усе навіны
Усе навіны
У свеце
30 жніўня 2021, 17:17

Колькасць загінулых у выніку выбухаў на складзе воінскай часці ў Казахстане ўзрасла да 15

Фота  Reuters
Фота Reuters

30 жніўня, Тараз /БЕЛТА - КАЗІНФАРМ/. Колькасць загінулых у выніку пажару і наступных выбухаў на складзе ваеннай часці ў Жамбылскай вобласці на поўдні Казахстана ўзрасла да 15.

"Сапёрамі Міністэрства абароны знойдзена цела яшчэ аднаго чалавека, асоба якога высвятляецца. Колькасць загінулых пры выбуху ў Жамбылскай вобласці дасягнула 15 чалавек. Сярод загінулых ёсць і супрацоўнікі органаў грамадзянскай абароны", - сказалі ў прэс-службе Міністэрства па надзвычайных сітуацыях Казахстана.

Раней паведамлялася аб 14 загінулых. Пошукі яшчэ аднаго чалавека прадаўжаюцца.

Усяго ў выніку выбухаў пацярпелі 98 чалавек. Сярод іх каля 50 супрацоўнікаў МНС, якія атрымалі раненні і траўмы.

Паведамленне аб узгаранні склада боепрыпасаў в/ч нумар 28349 (інжынерна-сапёрная брыгада) Міністэрства абароны Казахстана паблізу вёскі Кайнар Байзакскага раёна паступіла вечарам 26 жніўня. Пажар прывёў да 10 выбухаў. У сувязі з гэтым была арганізавана эвакуацыя жыхароў бліжэйшых населеных пунктаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі