7 чэрвеня, Мінск /Кар. БЕЛТА/. Колькасць загінулых у выніку сутыкнення двух пасажырскіх паяздоў у Пакістане павялічылася да 50, больш за 70 чалавек пацярпелі, паведамляе тэлеканал ARY News.
Раней паведамлялася аб 30 загінулых.
Аварыя адбылася раніцай 7 чэрвеня ў раёне горада Готкі на поўдні краіны. Адзін з паяздоў сышоў з рэек, а потым у яго ўрэзаўся другі пасажырскі састаў. На месца здарэння прыбылі супрацоўнікі паліцыі і ратавальнікі. Пацярпелыя былі накіраваны ў бліжэйшыя бальніцы. Паводле даных чыгуначных чыноўнікаў, у абодвух паяздах знаходзіліся каля 1,1 тыс. чалавек.-0-
