14 жніўня, Краснаярск /БЕЛТА - ТАСС/. Колькасць пацярпелых у выніку ўзрываў на ваенным складзе побач з горадам Ачынск у Краснаярскім краі вырасла да 40 чалавек, паведамілі сёння ТАСС у прэс-службе Міністэрства аховы здароўя рэгіёна.
"Усяго 40 пацярпелых за два эпізоды. Па першым - 15, у тым ліку 14 пацярпелых і адзін загінуў. Па другім яшчэ 25 пацярпелых. Восем знаходзяцца ў стацыянары, астатнія лечацца амбулаторна", - сказаў субяседнік агенцтва.
Раней паведамлялася пра аднаго загінулага і 32 пацярпелых. У Міністэрстве аховы здароўя растлумачылі, што рост колькасці зваротаў характэрны для вялікіх ЧП.
Першыя ўзрывы і пажар адбыліся на складзе ў Ачынскім раёне 5 жніўня, узгаранне было ліквідавана 6 жніўня. Адзін чалавек загінуў. З населеных пунктаў і некалькіх мікрараёнаў Ачынска, размешчаных у радыусе 20 км ад месца здарэння, былі эвакуіраваны больш за 16 тыс. чалавек.
Паўторныя ўзрывы на ваенным складзе ў Ачынскім раёне адбыліся ўвечары 9 жніўня.-0-