30 лістапада, Мінск /Кар. БЕЛТА/. Колькасць пацярпелых ад урагану ў Стамбуле ўзрасла да 38, чацвёра загінулі. Такую інфармацыю паведамляюць РІА Навіны са спасылкай на заяву кіраўніка міністэрства аховы здароўя Турцыі Фахрэціна Коджы.
"У выніку стыхійнага бедства паранены 38 чалавек, яшчэ чацвёра загінулі", - гаворыцца ў заяве кіраўніка міністэрства аховы здароўя.
Раней ва ўпраўленні берагавой аховы Турцыі паведамілі аб прыпыненні руху суднаў па праліве Басфор з-за моцнага ветру. Па гэтай жа прычыне некалькі самалётаў авіякампаніі Turkish Airlines не змаглі прызямліцца ў Стамбуле і былі накіраваны ў Анкару і Ізмір.-0-
