17 студзеня, Мінск /Кар. БЕЛТА/. Колькасць ахвяр землетрасення ў раёне Нота прэфектуры Ісікава ў Японіі вырасла да 232. Аб гэтым паведамляюць РІА Навіны са спасылкай на агенцтва Кіёда.
Раней была інфармацыя аб 220 загінулых з-за землетрасення.
На гэты момант у раёне здарэння часткова або поўнасцю разбураны больш за 15 тыс. дамоў. Без святла застаюцца больш за 7,8 тыс. домагаспадарак, а без вады - 55,5 тыс. У прэфектуры адкрыты 389 эвакуацыйных пунктаў, колькасць эвакуіраваных складае больш за 16,7 тыс. чалавек. Каля 415 чалавек аказаліся адрэзанымі ад камунікацый з-за абвальвання мастоў і разбурэння дарог. На месцы землетрасення працуюць 7 тыс. супрацоўнікаў сіл самаабароны.
У першы дзень 2024 года ў раёне паўвострава Нота прэфектуры Ісікава, на заходнім узбярэжжы Японіі, адбылася серыя вялікіх землетрасенняў. Самае моцнае было магнітудай 7,6.-0-
Падпісвайцеся на нас у
