8 жніўня, Мінск /Кар. БЕЛТА/. Колькасць загінулых у выніку землетрасення на інданезійскім востраве Ламбок узрасла да 131 чалавека, паведамляе Associated Press.
Раней паведамлялася пра 105 загінулых і 236 параненых. Не выключана, што колькасць ахвяр будзе расці. У раёне бедства прадаўжаецца пошукава-выратавальная аперацыя.
Паводле даных улад, у сувязі са шматлікімі разбурэннямі больш за 156 тыс. чалавек былі вымушаны пакінуць свае дамы. Яны размешчаны ў часовых прыстанішчах. Таксама паведамляецца, што ўсе турысты, якія жадалі эвакуіравацца, змаглі пакінуць астравы.
Моцнае землетрасенне на востраве Ламбок адбылося 5 жніўня. Падземныя штуршкі таксама адчуваліся на размешчаным непадалёку востраве Балі. Абодва востравы карыстаюцца вялікай папулярнасцю ў турыстаў з усяго свету.-0-