20 снежня, Мінск /Кар. БЕЛТА/. Не менш за 208 чалавек загінулі з-за наступстваў тайфуну "Раі" на Філіпінах. Аб гэтым піша ТАСС са спасылкай на газету Manila Bulletin, дзе былі апублікаваны даныя паліцыі краіны.
Згодна са звесткамі, 239 чалавек пацярпелі, яшчэ 52 лічацца прапаўшымі без вестак. Раней паведамлялася аб 169 ахвярах.
Тайфун "Раі " стаў 22-м у гэтым сезоне. Ён сфарміраваўся 16 снежня ў заходняй частцы Ціхага акіяна, аб чым паведаміла метэаралагічная абсерваторыя Ганконга. На Філіпінах былі эвакуіраваны больш за 82 тыс. чалавек з-за набліжэння ўрагану.
Паводле звестак Нацыянальнага цэнтра гідраметэаралагічнага прагназавання В'етнама, эпіцэнтр тайфуну рухаецца ў бок в'етнамскай правінцыі Біньдзінь.-0-