6 ліпеня, Мінск /Кар. БЕЛТА/. У Краснадарскім краі пры падтапленні загінула яшчэ адно дзіця, паведамляе ТАСС са спасылкай на прэс-службу пракуратуры рэгіёна.
Раней паведамлялася, што ў Туапсінскім раёне Краснадарскага краю пры падтапленні загінулі тры чалавекі, сярод якіх адзін непаўналетні. СУ СК РФ па Краснадарскім краі ўзбудзіла па гэтым факце крымінальную справу. У пракуратуры рэгіёна правяралі інфармацыю аб гібелі яшчэ двух чалавек.
"Дзяўчынку знайшлі загінулай, вадзіцеля КамАЗа панесла цячэннем, яго пошукі прадаўжаюцца", - паведамілі ў прэс-службе ведамства.-0-
