16 ліпеня, Мінск /Кар. БЕЛТА/. Колькасць загінулых у выніку разбуральнай паводкі на захадзе Германіі павялічылася мінімум да 80. Аб гэтым паведамляе ТАСС са спасылкай на газету Bild.
Як удакладняе выданне, паліцыя ў горадзе Кобленц паведамляе аб не менш як 30 загінулых ад разгулу стыхіі ў федэральнай зямлі Паўночны Рэйн - Вестфалія і мінімум 50 - у Рэйнланд-Пфальцы.
"Мы апасаемся, што колькасць ахвяр павялічыцца", - адзначылі ў праваахоўных органах.-0-
