14 сакавіка, Мінск /Кар. БЕЛТА/. Улады Кітая заклікалі ЗША праявіць адкрытасць у пытанні біялагічных лабараторый на тэрыторыі Украіны. Аб гэтым заявіў афіцыйны прадстаўнік МЗС КНР Чжаа Ліцзянь, паведамляе ТАСС.
Як адзначыў дыпламат, згодна з нядаўна апублікаванай інфармацыяй, ва Украіне размешчаны дзясяткі біялагічных лабараторый, якія дзейнічаюць згодна з распараджэннямі Міністэрства абароны ЗША. Чжаа Ліцзянь адзначыў, што ЗША інвесціравалі ў гэтыя лабараторыі $200 млн. "Ваенна-біялагічная дзейнасць ва Украіне выклікае занепакоенасць сусветнай супольнасці", - сказаў прадстаўнік МЗС.
"Амерыканскі бок заўсёды рэкламаваў так званыя адкрытасць і празрыстасць. Калі амерыканскі бок заяўляе, што гэта інфармацыя з'яўляецца ілжывай, чаму б не апублікаваць падрабязную інфармацыю і такім чынам даказаць сваю адкрытасць?" - адзначыў ён. "Калі амерыканскі бок хоча даказаць сваю шчырасць, чаму б не адкрыць гэтыя біялабараторыі для незалежнага даследавання міжнароднымі экспертамі?" - дадаў прадстаўнік МЗС.
Раней начальнік войскаў радыяцыйнай, хімічнай і біялагічнай абароны Узброеных Сіл Расіі Ігар Кірылаў паведаміў, што ў ходзе ваеннай спецаперацыі на тэрыторыі Украіны была выкрыта дзейнасць сеткі больш як з 30 біялагічных лабараторый, якія працавалі па заказе Агенцтва па скарачэнні пагрозы пры Міністэрстве абароны ЗША.-0-