26 красавіка, Мінск /Кар. БЕЛТА/. Кітай выступае за ўрэгуляванне канфлікту ва Украіне дыпламатычным шляхам і не зацікаўлены ў пачатку Трэцяй сусветнай вайны. Аб гэтым заявіў афіцыйны прадстаўнік МЗС КНР Ван Вэньбінь, паведамляе ТАСС.
Ван Вэньбінь заклікаў не дапусціць зацягвання ўзброеных дзеянняў ва Украіне. Дыпламат перакананы, што неабходна прадухіліць неспрыяльныя наступствы, з-за якіх канфлікт ва Украіне можа адбіцца на ўсім свеце.
Прадстаўнік МЗС КНР падкрэсліў, што працэсу мірных перагавораў паміж Расіяй і Украінай неабходна аказаць падтрымку. "Ніхто не хоча стаць сведкам Трэцяй сусветнай вайны... Мы спадзяёмся, што ўсе зацікаўленыя бакі праявяць спакой і не дапусцяць эскалацыі", - сказаў Ван Вэньбінь.-0-
