6 снежня, Мінск /Кар. БЕЛТА/. Урад Кітая наклаў абмежаванні на амерыканскіх дыпламатаў, якія працуюць у Кітаі. Гэтыя абмежаванні эквівалентныя тым, што адміністрацыя Дональда Трампа ўвяла ў адносінах да кітайскіх дыпламатаў у ЗША, паведамляе кітайскі міжнародны тэлеканал навін CGTN.
З кастрычніка бягучага года кітайскія дыпламаты ў ЗША абавязаны інфармаваць Дзяржаўны дэпартамент перад сустрэчай з амерыканскімі дзяржаўнымі і муніцыпальнымі чыноўнікамі. Як заявіла сёння на прэс-канферэнцыі ў Пекіне афіцыйны прадстаўнік МЗС КНР Хуа Чуньін, Кітай праінфармаваў пасольства ЗША аб увядзенні эквівалентных контрмер. Цяпер амерыканскія дыпламаты ў Кітаі абавязаны будуць інфармаваць МЗС КНР, перш чым сустракацца з мясцовымі чыноўнікамі.
"Кітай заўсёды падтрымліваў замежны дыпламатычны і консульскі персанал, у тым ліку са Злучаных Штатаў, для ажыццяўлення нармальнай афіцыйнай дзейнасці ў Кітаі ў адпаведнасці з заканадаўствам, - заявіла Хуа Чуньін. - Мы заклікаем Злучаныя Штаты неадкладна зняць абмежаванні з кітайскіх дыпламатаў у ЗША".-0-