15 красавіка, Мінск /Кар. БЕЛТА/. Кітай лічыць Арганізацыю Дагавора аб калектыўнай бяспецы (АДКБ) вядучым механізмам ваеннай бяспекі на прасторы СНД і гатовы пашыраць супрацоўніцтва з ёю. Аб гэтым заявіў старшыня пастаяннага камітэта Усекітайскага сходу народных прадстаўнікоў Лі Чжаньшу, паведамляе агенцтва РІА Навіны.
"Мы лічым, што АДКБ - гэта вядучы механізм ваеннай бяспекі ў СНД, адыгрывае важкую ролю ў пашырэнні і забеспячэнні рэгіянальнай стабільнасці і бяспекі. Мы гатовы прадаўжаць і далей развіваць узаемадзеянне з гэтай арганізацыяй", - сказаў Лі Чжаньшу ў час анлайн-сустрэчы са спікерам Савета Федэрацыі РФ Валянцінай Мацвіенка.
Лі Чжаньшу таксама заявіў, што Кітай гатовы знаходзіцца ў цесным кантакце з Расіяй па вырашэнні ўкраінскага крызісу. "Мы ўбачылі, што ў перагаворах паміж Расіяй і Украінай былі дасягнуты зрухі, але рознагалоссі пакуль што не былі поўнасцю ліквідаваны... Мы гатовы знаходзіцца ў цесным кантакце па гэтым пытанні з расійскімі калегамі", - сказаў Лі Чжаньшу.
Ён дадаў, што для ўрэгулявання крызісу ва Украіне важна прытрымлівацца асноўных прынцыпаў і норм Статута ААН. "З улікам абгрунтаваных заклапочанасцей усіх краін, уключаючы ўцягнутыя бакі ў сферы бяспекі, важна праз дыялог і перагаворы, мірна ўрэгуляваць усе спрэчкі", - адзначыў Лі Чжаньшу.-0-
