4 ліпеня, Мінск /Кар. БЕЛТА/. Новым старшынёй Еўрапарламента выбраны італьянскі дэпутат Давід-Марыя Сасолі. Вынікі галасавання ў ЕП паведамляе ТАСС.
За італьянскага дэпутата прагаласавалі 345 дэпутатаў. Другое месца ў чэха Яна Заградзіла (160 галасоў), трэцяе дасталася немцы Ска Келер - 119 галасоў. Іспанка Сіра Рэга замкнула спіс прэтэндэнтаў з 43 галасамі. Агульная колькасць зарэгістраваных бюлетэняў склала 667.
Давід-Марыя Сасолі падзякаваў членам Еўрапарламента за падтрымку, а таксама адзначыў работу папярэдняга кіраўніка Антоніа Таяні на пасадзе старшыні ЕП.
Новага кіраўніка Еўрапарламента выбралі ў другім туры. У ходзе першага тура Сасолі атрымаў 325 галасоў, яму не ўдалося набраць 50 працэнтаў + 1 голас, неабходныя для перамогі.
У адпаведнасці з рэгламентам, выбраны старшыня будзе займаць гэту пасаду 2,5 года.
Давід-Марыя Сасолі пачынаў сваю кар'еру як журналіст, з 2009 года з'яўляецца еўрадэпутатам. Яму 63 гады.-0-