ДЗЯРЖОРГАНЫДЗЯРЖОРГАНЫ
Флаг Пятніца, 27 мая 2022
Мінск Ясна +9°C
Усе навіны
Усе навіны
У свеце
19 студзеня 2022, 14:32

Кіраўнік МЗС Эстоніі: Талін мае намер цвёрда прытрымлівацца палітыкі "аднаго Кітая"

Фота з архіва
Фота з архіва

19 студзеня, Пекін /БЕЛТА - Сіньхуа/. Эстонія мае намер цвёрда прытрымлівацца палітыкі "аднаго Кітая" і ўмацоўваць узаемны давер. Аб гэтым заявіла кіраўнік МЗС Эстоніі Эва-Марыя Лійметс у час сустрэчы з міністрам замежных спраў КНР Ван І. Перагаворы адбыліся па ініцыятыве эстонскага боку.

Эва-Марыя Лійметс заявіла, што Эстонія зацікаўлена ў развіцці двухбаковых адносін з Кітаем. Кіраўнік МЗС таксама адзначыла, што балтыйская рэспубліка падтрымлівае правядзенне Кітаем зімовых Алімпійскіх гульняў і з'яўляецца сааўтарам рэзалюцыі аб алімпійскім перамір'і на час пекінскай Алімпіяды. Эва-Марыя Лійметс выказала ўпэўненасць, што Гульні ўвянчаюцца поспехам.

У сваю чаргу Ван І адзначыў, што двухбаковыя сувязі КНР і Эстоніі захоўваюць здаровую дынаміку развіцця. Вопыт мінулага паказвае, што пакуль абедзве краіны прытрымліваюцца прынцыпаў узаемнай павагі і раўнапраўных адносін адзін да аднаго, яны могуць дасягаць узаемнай выгады і агульнага выйгрышу, адзначыў кітайскі міністр.

Паводле яго слоў, бакі павінны і ў далейшым надаваць важнасць законным заклапочанасцям адзін аднаго ў пытаннях карэнных інтарэсаў, прытрымлівацца норм міжнародных адносін аб неўмяшанні ва ўнутраныя справы і абараняць палітычную аснову двухбаковых адносін.

Ван І заклікаў пашырыць супрацоўніцтва ў такіх галінах, як сельская гаспадарка і прадукты харчавання, электронная камерцыя і лічбавая эканоміка. Бакі дамовіліся паскорыць працэс падпісання пагаднення аб экспарце з Эстоніі малочнай прадукцыі і водных прадуктаў дзікага промыслу ў Кітай.

Кіраўнікі МЗС таксама абмяняліся меркаваннямі па пытаннях зялёнага і лічбавага супрацоўніцтва і прыйшлі да згоды ў тым, што неабходна ўмацоўваць міжнароднае ўзаемадзеянне для сумеснага рэагавання на такія глабальныя выклікі, як змяненне клімату, а таксама імкнуцца да стварэння бяспечнай, адкрытай і сумеснай кіберпрасторы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі